Lam Suai Mi

Mirza Smoqi (vorhlam) in tinthia saya Jack Williams (kehlam) 2017 ah a biak. Smoqi, tu phun 11, in Indiana State Museum ah a feh tum veh.

ELL kai lai pawl in U.S.A an ron daan thu sim ding ah Indiana State Musuem ah an sayama le SHS tlawngta dang pawl thawn an feh ding.

May 2, 2019 ah ELL tlawngta pawl Indiana State Museum sungih a um mi Great Hall ti tak ah an feh ding. Cu tawkah cun elementary le middle tlawng kai pawl kha ramdang an ron dan thu an rel ding.

“Hitawk an ronthluh hnu lawng ah an um daan kan hmu,” Amy Peddie, ELL sayama in a ti. “Curuang ah, U.S.A. an rondan le ziangtluk in saw hitawk ih ron hi a har ti kan ruat nawn lo.”

Tlawngta 800 hrawng himi feh dingah an hmin an ap zo. Great Hall ah cumi nauhak pawl kha group in an tthen ding ih ram pakhat hmin an co ding. Stations pawl a um ding ih cumi stations pawl ihsin ram an ngah mi thu an zir ding. Cumi ram ihsin a rong mi pakhat ih thuanthu tla an ngai ding.

Stations paruk hrawng a um ding ih stations pakhat ah thil dangdang an zir ding. Station pakhat ah zaingtin saw ramdang ih tlwangkai a har dan theih nak dingah an ngah mi ram ih ttong kha an zir tum ding. Station dang ah ramdang ron ding ih thusuhnak a um mi pawl kha tlawngta pawl an sut ve ding. Cumi lawng a si lo in, station dang ah WiFi le internet um lo lawlaw in an nuam aw tum ding.

“Group pakhat an rong ding ih ram hmin kan pe ding. Cumi ram ihsin a rong mi ih thuanthu kha stations pawl ihsin an thei ding,” tiah Peddie in a ti.

Himi an tuah nak san cu mi pawl ram ttha ih an tthawn duh tikah harsatnak dangdang an ton mi pawl midang theih ternak ding ah a si.

ELL tlawngta pawl in himi project ihsin mi an hmuh ter duhmi cu ramdangmi si a har zia.

“A rong tu pawl kha raltlan pawl um khawmnak ih um a har daan hi zir hai sehla ka duhsak,” Mirza Smoqi, Iraq ihsin rong mi tlawngta in a ti.

Smoqi in a theihlo mi ih hmaiah tong ka tih ati, asinain himi thu mihmai ih sim ding khal a hnagkhlap thotho.

Emilson Flores, Honduras ram ihsin rong mi ELL tlawngta, in a theih lomi midang pawl hmai ih tong a ngam velo, asinain Smoqi vekin mi ih hmai ah a tong thotho ding. A ttongkam a ngai tu pawl kha zaingtluk insaw ramdangmi si a har daan ti a thei ter duh.

“Mi hmai ih ttong hi ka ttih,” tiah Flores in a ti.

Himi project hi khan dangdang pawlkom ih tuah mi a si. AJ Braun ih geography khan pawl, Rico Gonzalez ih English 11 le Reading 190 khan pawl, Brain Auger ih sheltered English khan pawl le Peddie ih level 3 ELL khan pawl an tel.

Khan pakhat in a dangdang tuah dingmi an nei. Auger ih khan in U.S. an ron dan an ngan ding, Peddie ih khan a si le hitawk rawn dingah ziangvek thil pawl saw tuah ah ttul ti an hmuh ding, cule Braun ih geography khan pawl in ram an ngahmi sungih thil cangmi pawl le khami ram ih thu tivek lam an sim ding.