Holhlehnak nih sianghngakchia nun a thleng

Tang+hleihnih+a+kai+lio+tu+Bawi+Lian+Sang+asi.+

Grace Iang

Tang hleihnih a kai lio tu Bawi Lian Sang asi.

Grace Iang, Reporter

 

US ram an rak rat lio ah hin holh pakhat in a dang holh leh ding cu SHS sianginn a kai mi sianghngakchia hna nih cun an rak i ruat bal lo, a fawi mi zong a si lo.

Tanghra a kai mi Suk Nem cu  insurance company le appointment ah a nu le pa, a innchungkhar le a nu le pa hawile caah holh a leh piak tawn hna. Amah cu U.S. ah kum nga a rak um cang i le mirang holh in Siyin asi lo le Tedim holh a leh. Nem bantukin tanghleihnih asi mi Bawi Sang zong cu mirang holh in Hakha le Zophei holh cu a chungkhar caah appointment le dam lonak siizung phunah kal lioah a  leh piak tawn ve hna. Amah cu U.S. ah kum ruk a um cang i kum li chung hrawng holh a leh cang.

An pahnih in phone chawnh lioah holh an leh mi a tam deuh, cu hna cu phone line, television line le appointment lak mi hna a tam bik. Midang nih mirang holh in chim mi hna kha an leh piak hna. Nem le Sang nih an chimnak ahcun,  an chungkhat nih amah an fial hnanak hna a ruang cu an chungkhat pawl  kha mirang holh an thiam lo, an mah kha an ngamh deuh hna lawng si lo in an zumh hna ruangah a si rua,  tiah Nem le Sang nih an zumh. Nem cu holh a leh lioah a nuam ngai, a ruang cu holh a leh piak mi hna a tlamtlin tik i  an i nuam mi a hmuh tikah amah zong a nuam ve. Cu bantukin Sang zong asi ve, mi a bawmh khawh hna mi a lawm ngai.

“Midang bawmhnak nih lung a nuamh ter, cun le anmah an i lawm mi ka hmuh mi nih keimah zong a ka lawm ter ve,” tiah Sang nih a chim.

Nem le Sang nih an chimnak ahcun, holh an leh tikah, pumpak i lunghmuihnak lawng si lo in an i nuam ngai fawn. Holh a leh piak kho tu midang an aum khawh ko hna buin, anmah theng te an thim hna. Sang caah cun a chungkhar nih an zumh ko timi ruahnak a ngei. Nem nih ma bantuk dirhmun, holh let zong hi a ruat bal lo. Mi nih an bochannak le an zumhnak ah a lung a lawm ngai.

Holh an leh mi an i nuam ko nain, a that lonak zong a um tiah Sang nih a chim. A caan caan ahcun Lai holh in a um lo mi biafang hna hi tong caan a um. Nem nih biafang hna a ruah khawh lo tikah, a phuhrun, a ruang cu a thiam khawh chungin a zuam lomi bantukin thinlung a ngei. Sang nih biafang a hmuh khawh lo tikah, a fianter dan cu a sau deuh in a leh si lo le cawlcangnak in a langhter hna.

“A neknuai tiangin fianter ka zuam le bia pakhat caah a biafang lehnak ding a um lo ahcun, a sau deuh in asi lo le cawlcangnak in ka fianter hna,” tiah Sang nih a chim.

A that lonak chung zongah, a thatnak a um. Tha tein an bawmh khawhnak ding caah holh an leh tikah zeidah a cang timi an i fian ve a hau. Cu ti an tuah nak in cun, an theih bal lo mi thil tampi an i chap. Sang nih holh a leh hnu cun thil man peknak kong le ngunkhuai (tax) kong a tam deuh in a theih tiah a ti. Mirang holh zong a chap deuh, mi sinah mirang holh a holh mi a sia a rem deuh lawng si lo in a chungkhat mirang holh a hman lo in an chim sual mi a theih tikah a remh piak fawn hna le midang a leh piak mi hna caah an tuah sualnak hnga lo tha tein a zoh.

Nem cu insurance le bank konglam pawl hna hi a rak thei tuk lo nain holh a leh piaknak hna thawng in a vun hngalh deuh ngai cang. Cuti a tuahnak in cun biachimnak khan zong a bawmh ngai. Mah le mah i zumh deuh nak lawng si lo in sianghngakchia hmai um tik i siarem lo nak/ningzahnawk pawl kha a tlawm deuh cang.

“Mi hmaiah ka ning a rak zak ngai tawn asinain ka nu le pa, chungkhar le an hawi caah holh ka leh nakin, mi sinah ka ral a tha deuh,” tiah Nem nih a chim.