Sangbik 20 ah aa telmi Laimi pali

htHtayni Sui

Htayni Sui cu, ca aa zuam tuk ruangah,  a tu kum a sang bik 20 ah aa tel ve nain amah aa zuamnak lawng asi lo tiah Sui nih ati. Sui cu a tu kum a sang bik 20 ah a pahranak ah a um mi asi.

“Mah top 20 ah i tel khawh hi, minung pakhat zuamnak lawng  a si lo. Minung tampi, ka saya le sayama, ka inn chungkhar le ka hawi le nih an ka bawmh ruangah asi nain a biapi bik mi cu keimah nih fek tein lung ka chiah ruangah a si,” tiah Sui nih a chim.

Sui nih mah bantuk ah aa tel khawhnak cu a tuanbia ruangah asi. Ramdang in a rami a si ruang ah hin, holh phun dang in ca cawn hi a har ngai cu ruang ahcun ramdang in a rami, laimi siangngakchia caah zohchunhtlak mi si a duh tiah Sui nih ati.

Sui nih a sang bik 20 ah i tel khawh hi a har tuk tiin a chim. A ruang cu a caan tampi cu tennis le golf, clubs le midang bawmhnak ah a caan a hman hna i ma hlei ahcun sianginn caa zong a tuah pah caah a caan  hman thiam a har tiah Par nih ati. Sihmanhsehlaw aa tinhmi cu a phan thiam thiam ko zeitluk a har zongah, a caan hman a thiam caah a si.

Sui nih hmailei caan ah a sang bik 20 a um duh mi siangngakchia, laimi asi mi nih i zuam chin chin hna seh ti a duh. Zeitluk a har zongah, a dongh thiang i zuam hna seh tiah ati.

“I zuam uh. Ahohmanh nih tuah ding in chim hna hlah seh. Nan caah a tha bik mi cu nanmah nih nan theih deuh cu ruangah cun ngol hlah uh. Hi vawlei cung ahhin thil asi kho lomi a um lo Pathian nan zumh paoh ah cun,” tiah Sui nih a chim.

tial

Tial Chin Par

Tial Chin Par cu ranking system a um ti a theih a tlai ko nain a donghnak ahcun top 20 ah aa tel thiam thiam ko ih a pahleilinak ah a um a si.

“Tangkua ka kai lio ah mah ranking system  a um mi hi ka thei lo mahruangah hmak ka ngah mi pawlah hin ka zei poi lem lo A le B ka ngah poh ahcun,” tiah Par nih a chim. “Mah ranking system a um ti hi tanghra ka kai lio lawngah khan  ka theih mi asi. Mah kum cun caa har mi AP le DC class te pawl hna hi lak ka rak i thawk.”

Par nih mah top 20 ah tel a duhnak hi kan hnu kum i top 20 i a um ve mi laimi siangngakchia paruk ruangah asi tiah Par nih ati. An mah top 20 ah an um tikah khin, amah zong an mah bantuk in si a duh ve, an mah bantukin top 20 ah um a duh ve tiah Par nih a chim tthan.

Par nih mah top 20 i tel a harnak cu inn i ca zoh ding an pek mi hi a si tiah ati. Ca chimtu saya le sayama nih inn i ca tuah ding an pek mi a tam tuk tawn i caan tampi cu zan khawdei ca a tuah si lo le camipuai caah ca a zoh caan a tam ngai tiin Par nih a chim. Camipuai an phit mi zong an har tuk tawn tiah Par nih ati.

A har caan zong um ko nain hmailei siangngakchia top 20 ah um a duh mi nih i zuam chin chin ko hna seh ti cu Par nih siangngakchia dih lak sinah chim a duh.

“Kan nih cu laimi kan si ruangah kan ca pawl he holh dawntu kan ngei cu ruangah cun midang siangngakchia mirang holh a thiam mi nakin ca kan i zuam deuh a hau,” tiah Par nih a chim.

nu hing

Nu Hing

Nu Hing caah cun mah top 20 ah aa tel khawh mi hi i ruah lo piin a cang mi asi. A ruang cu top 20 ah aa tel kho ti lai lo ti a hngalh hnuah aa zuam ti lo. Hing cu a tu kum top 20 ah a pakulnak ah a um.nu hing

“Top 20 a um mi pawl an thanh hlanah, top 20 ah ka um lo i ngol kaa tim nain hmak a tha lak ding tuin kaa zuam lai ka ti,” tiah Hing nih a chim. “Ruah lo piin main office in an ka auh i, top 20 ah naa tel ve an ka ti. Ka khuaruahhar ngai ziah tiah cun ka ngah lai ti ka zum lo.”

Hing mah ti ca aa zuamnak hi a nu le pa ruangah asi. Hing nih a inn chungkhar le a hawi le nih thazang an pek tuk mah top 20 ah um ding in tiah Hing nih ati. Mah nih cun ca aa zuam ter deuh. A raung cu an mah ca hrim hrim a tu kum top 20 ah um a duh.

Hing caah cun holh theih lo hi a har bik mi asi. Tangruk in sianginn a thawk tikah mirang ca a harh ngai. AP le a har mi ca a cawn tikah ca aa fiang lomi tampi a um, mirang holh hi amah caah cun a pahnih nak holh asi caah.

A har ko nain hmailei i siangngakchia top 20 ah a um duh mi nih ca i zuam lengmang ko hna seh ti a duh pi hna.

“Siangngakchia top 20 ah um a duh mi nih i zuam peng hna seh, inn i ca tuah ding an in pek mi hna paoh tuah lengmang uh cun lung dong lo tein, a dongh thiang i zuam uh tiin chim ka duh hna,” tiah Hing nih a chim.

genive

Geneve Cung

Geneve Cung cu a tum kum top 20 ah a pariatnak asi. Mah top 20 ah aa tel khawhnak hi mi tampi nih a sianginn kainak ah an bawmh ruangah asi tiah Cung nih ati.

“Mah top 20 ah kaa tel khawh mi hi pathian thluachuahnak thawng in le keimah kaa zuamnak thawng in le ka saya le sayama si hna seh, ka hawi le si hna seh, ka inn chungkhar le si hna seh, an mah bawmhnak thawng in asi,” tiah Cung a chim.

Cung nih nih mah top 20 ah tel a duhnak hi a inn chungkhar nih lawmh pi hna seh ti a duh ruangah asi. A nau le nih a hnu lei in zul han seh law mah bantuk ah hin i tel kho ve hna seh ti a duh. Amah tein mah top 20 ah um hi a tuah khawh ko tiah langhter a duh i mah ruangah cun mah thiang thiang phanh ding in aa zuam.

Cung nih a harnak pakhat cu a GPA hi a mah ning tein chiah hi asi tiah Cung nih ati. A ca pawl zeituk an har zongah i ngol loin, i zuam peng hi a har ngai tiah Cung nih ati. Sianginn ah thil tuahmi si seh, a inn chungkhar bawmh pah in sianginn ah ca a cawn mi pawl hna le ca a tuah mi pawl hna hi a caah a har ngai, an dihlakin hmunkhat ah tuah ti a hau i tiah Cung nih ati.

A har tuk ko nain sianginnngakchia hmailei ah top 20 ah um a duh mi nih tuan deuh ah i zuam hna seh ti chim ka duh hna tiah Cung nih ati.

“Tanghleikhat kai thiang hngak loin, tangkua kai lio, a tuan bik ah ca i zuam uh,” tiah Cung nih a chim. “ Bawmh na herh caan ah hal uh. Nan theih lo cun bawmh hal hi a tha ko. Saya le sayama pawl cu kan nih bawmh awkah pei an um cu. Cu ruangah cun bawmh nan duh caan paoh ah hal ko u, tih hlah uh.”

The Journal Rewired • Copyright 2020 • FLEX WordPress Theme by SNOLog in