Homecoming cu mibu pi caah zeidah a si

Senior+Kobe+Tasker+%28left%29+and+Senior+Mikayla+Whittemore+%28right%29+throw+out+candy+at+last+years+homecoming+parade.+Each+float+has+a+theme.+

Photo contributed from thejournalrewired.com

Senior Kobe Tasker (left) and Senior Mikayla Whittemore (right) throw out candy at last year’s homecoming parade. Each float has a theme.

Homecoming timi cu tthal le khuasik karlak ah a um mi a si i sianginn tampi nih an ngeih mi a si. Sianginn a awng ciami le hmun khat i a ummi mibu pakhat an caah i ton thannak caan a si. An sianginn caah i lawm thannak zong a si ve, tiah class office zohkhenhtu Joseph Leonard le booster club zohkhenhtu Stacey Matlock nih an chim.

Homecoming ahcun siangngakchia le saya te hna caah parade timi a um, cu a dih khawh in cun pumpuhluh (football) celhnak le zohnak a um i a thaizing ah lamnak a um rih. Lamnak ahcun saya le siangngakchia vialte a kal duhmi paoh cu an kal a ngah. A dang sianginn a kai mi nih rat an duh ahcun catlap an pit a hau i cu an pit dih in an rat a ngah.

 

“Keimah ka caah cun kan sianginn caah i lawmnak a si, siangngakchia an tuan ti khawhnak le an i bawmhnak caan zong a si ve i siangngakchia caah an i zuamnak zong upatnak pek caan a si,” tiah Matlock nih a chim.

Siangngakchia pawl parade ah a tel mi poah cu lentecelhnak lei in le mi phu khat in a ummi deuh an si. Mah parade ah an i tel mi hi an sianginn an i porhhlawtnak le an langhter duhnak a si tiah tanghleikhat vice president Hairo Rivas nih a ti.

An i porhlawtnak cu a phunphun in an langhter. Parade ah an i put dingmi float, mawtaw bantuk a si mi, tuah zong an i bawm i a herhmi thil an i put. Parade ahcun cu float an tuah mi cu a kai mi zong an um i ke in a kal mi zong an um. Thil tuah dingcu aa thleng peng. Tu kum cu hlanlio caan bantukin a hruk dingmi a si. Cu parade lio ah cun, mutthai cu mibu kip ah an hlonh hna i lam i a ummi nu le pa le ngakchia nih an char hna. Mah Southport sianginn pawng i lam vialte cu an khat dih.

“Homecoming hi zeitluk in dah kan i lawmh timi hmuhternak caan a si,” Rivas nih a chim. “Zeitluk in dah kan sianginn hi a tha i a dangdang miphun kan um timi zong langhternak caan a si.”

Mah parade caah hin siangpahrang le siangpahrang nu timi an thim hna. Saya le nih tang khat ah nu pakhat le pa pakhat an thim hna. Asinain tanghleihnih caah cun pa pathum le nu pathum an um. Tu kum cu Sept. 6 ah SPTV in an thanh. A tuzan hi sianginn hngakchia nih pathum chungah pakhat an thim hna lai. Saya le nih an duh mi an thim khawh ko hna asinain ca an thiam a hau a tlawm bik 2.5 GPA in i an hawi le caah zohchunhawktlak an si a hau tiah Matlock nih a ti.

Pumpuhluh (football) cu parade a dih bak in a um. Zoh a huam mi nih an kal zok i a dang zoh a huam lomi nih cu an inn cio ah an tin.

Hi vialte a dih khawh in cun lamnak a tang i hi lamnak cu a thaizing ah a si. Tu kum cu zarhteni zaanlei 8 in 10 tiang, east gym ah a si lai.

“Kal a ton bal lo mi hna caah tukum cu kal hna seh law a tha ngai tiin ka ruat,” tiah Matlock nih a chim.