Christmas aa dannak

Roben+Lian+le+a+nau+nu+Tha+Sung+cu+Christmas+ni+ah+hmanthlak+dingin+an+i+remh.+A+pu+nih+Kalaymyo+ah+pumh+khawh+in+a+tlak+mi+hna+a+si.+%0A%0A%0A%0A%0A

Roben Lian nih hmanthlakmi a si.

Roben Lian le a nau nu Tha Sung cu Christmas ni ah hmanthlak dingin an i remh. A pu nih Kalaymyo ah pumh khawh in a tlak mi hna a si.

Sui Par, Catialtu

Laimi sianghgakchia hna cu an ram in ram phunkip ah an tlung hmasa khawh in an i ruahchanmi ram, U.S. ram ah an phan. An phanh hnu in harsatnak tampi an tong. A ruang cu a ram aa dan tuk caah asi tiah tanghleihnih kai lio mi Tha Sung nih a chim.

Khua caan aa dang mi le an holh cawn lawng si loin Mirang pawl nih Christmas ni an conglawmhnak le an phunglam si ning an hngal a hau.

Sung nih Lai tlang ah le U.S. ah an i dannak a hmuh. Hika ahcun elektrik le a ceu mi in an inn, a lenglei in le a chung lei in an tamh dih. An khua ah cun, an tuah khawh mi a si lo. An nih cu pangpar a sik in an tamh dih.

“A tam deuh chungkhar cu an inn ah pangpar sik an phun mi cu biakinn ah an rat pi i biakinn tamhnak caah kan hmang,” tiah Sung nih a chim. “Christmas kung zong kan ngei lo.”

Inn an dum ning cu an i khat ko asinain an aw a thang tuk maw tiin an lungretheih a hau lo. Kaa hin cu an i ralring a hau. Innpa pawl hnahnawh an duh lo ruangah. Mawtaw in le bus in inn khat hnu inn khat ah an vak. An zapi i an i cit i zapi chungah pakhat nih Santa Claus hnipuan aa hruk i cu nih cun lawmhnak a chuah pi deuh.

Sung nih an khua i Christmas an hman ning cu a duh deuh i a nuam zong a nuam deuh a ti. An inn pawng nih ni zeizat dah a bau rih timi pawl an i theihter. Mah an tuah mi ni hin pawngkam a nuamhter. A uar bik mi cu Christmas caah thil hruk ding cawk le chungkhar he tling tein umti caan a si.

“Ka pi le pu pawl an umnak a si caah a man a sung deuh,” tiah Sung nih a chim. “Ka hin cun kan duh poah in dawr ah kan kal kho asi nain lai tlang ah cun a sunglawi tuk mi ni ti dah lo cun dawr ah kal kan kal kho lo, kan sii fah ruang ah.”

Holhlettu Bawi Thang ni Hakha ah Christmas an hman mi a duh deuh ve. A ruang cu a nuam deuh tiah a ti. Lai tlang ah cun an tam sawhsawh ziah ti cun tangka an ngei tuk lo. U.S. ah tangka an ngei mi an khua ah ngei hna seh law, an tuah mi aa khat ko lai tiah a chim.

U.S. ah a tlawm bik kum kua chung a um cang i, a hmuh mi cu zei tluk sau hi ram ah um hmanhnasehlaw, an conglawmhnak an i khat ko. A ruang cu lai tlang i Christmas kan conglawmh ning bantuk tein hi kaa zong ah hin conglawmh a si ko.

Tanghleikhat kai lio mi Roben Lian cu Sung he an i khat lo. Santa Claus ti mi pa a thei lo. Lian nih khua ngan deuh a kal lio lawng ah a hngalh. An mah an khua ah cun a kong a thei ballo.

Christmas ni le a dang biapi ni lawng ah sa a si lo le a thaw deuh mi rawl an ei kho. A ruang cu sa man a fak tuk caah a si.

Lian nih aa cinken khawh bik mi cu Christmas ni ah a nu he an i tonnak a si.

“Khual a tlawng peng i ni sunglawi ni lawng ah a ra tlung,” tiah Lian nih a chim. “Christmas chungah cun, a tlawm bik zarh khat chung a um.”

Mah ni sunglawi ni ah hin, inn chungkhar he umti hi a biapi bik a si tiah Lian ni a chim.