Tlawng kai mi pawl an tuah ttul mi cu camibuai asi. Asinain, a thupi bik mi camibuai tuah ttul mi cu SAT le ACT a si. SAT le ACT cu high school kai pawl ih an tuah mi asi ih tlawng saang camibuai tla a si .

SAT cu College Board ih pek mi asi ih kanaan, caa ngan le mirang caa an thiam nak an hniksak. ACT cu ACT, Inc. pawl ih tuah mi a si ih tlawng saang ah ziang tivek in saw caa na thiam thei ding ti zohnak a si. Himi camibuai pawl hi phun hleikhat kai lai pawl in tuah tambik; ziangahtile, tlawng saang pawl in an hmang deuhbik.

“Phun hleikhat ah na tuah asile, na hrang ah a awl sawn,” tlawng ih ruahnak petu Patrick Clark in a ti.

Tlawng pawl in tlangta pawl an hril ding ah himi camibuai pahnih ih an ngah hmaat an zoh nasa. A tuah ngaingai cu thukhat ah a har nan himi hrang ih caa zoh ding khal tlawngta pawl hrangah a har thei.

“Khan Academy hi SAT hrang caa zoh ding ah hman a ttha bik,” Clark in a ti. “Khan Acadmey cu College Board ih tuahmi asi.”

Khan Academy ih website ah thil zoh ding mi tampi an ret ziangtin saw thil tuah daan ding pawl tla an sim. Cumi lawng si lo in, caa tuah daan tla an zirh.

Tuikum cu Cornavirus ruang ah camibuai pawl tla an tuah daan a dang deuh. Phun hleikhat ih tuah si loin, phun hleihnih ih tuah a si.

Phun hleihnih kaimi Lian Cing cu tuikum August ah a tuah ih cule zarh hnih a tuah ding hlan ah caa a zoh thok. Amah in caa zoh cu a netabik am ih a tuah theimi thil a si lo ti a thei.

“Himi hrang ah zarh hnih sung caa tampi a zoh ziangahtile a zaan hlan ah lo le a zarh hlan ih caa zoh cu ka hrang ah a har sawn,” Lian in ati.

Caa zoh nak hrang ih hman ding mi ca uk lei hnak in, online ah caa zoh daan ding le websites pawl a hmuh. Camibuai ca uk hrang ah peisa a pek ttul lo.

“SAT hrang caa zoh nak ding ka nei lo ruang ah a dangdang website pawl ka hmang,” Cing in a ti. “Ka hman bik mi website cu Khan Academy asi.”

ACT le SAT hi tlawngta pawl hrangah tthatnak dang a nei. Himi camibuai tuah pawl in tlang saang hrang ah scholarships pawl an ngah thei.

Mirang caa zirhtu Dawn Fowerbaugh in tlang ih camibuai tuah ttheu mi pawl thawn an dang awknak zon te cu himi asi tiah a ti. Scholarships an ngah asile peisa an saan ttul mi.

“An hmaat a ttha aisle scholarships tampi an ngah thei,” Fowerbaugh in ati.