Sianginn kai khawh in nihnih ni paoh ah, cabuai vialte cu a khan a sir le kil ah chiah dih an si. Tennis cabuai cu khan a lai fangah chiah a si. Tennis phu zohkhenhtu le El saya Robert Hoffman-Longtin cu siangngakchia hna nih tennis phu cu nunter than ding in an hal.

Tennis phu cu kum thum leng an dir cang. Hoffman-Longtin nih ma phu a sermi a ruang cu a siangngakchia tampi hna kha tennis cabuai lentecelh an huam le an uar ngai mi a si, le amah nih zong a duh ve. Hoffmann-Longtin nih cun tennis cabuai kha siangngakchia hna caah caan remcaang sianginn dih in tuah khawh mi a si tiah a ruat. Amah nih cun ma phu cu lentecelh lungthin ngeimi caah a tha tiah a ruat.

“A nuam ngai le a tam deuh cu nuamnak le lentecelh lungthin ngei khawhnak cah deuh ah a si,” tiah Hoffman-Longtin nih a chim. “Bu in thil tuah mi a si lo. A dang zeihman si loin kan caan nuam tein kan hmanhmi a si ko.”

Asinain, siangngakchia a tam nih zuamnak lei ah an kalpi le minung pathum pali hrawng lawng aa celh kho mi an tang. A dang minung hna caah i celhnak caan a um ti lo. Atu hi cu phunglam zulh ding zong an ser lio a si. Hoffman-Longtin cu a tukum tuah than in zeidah aa cang lai hmuh ding a ngaih tuk.

A luan ciami kum ah, Hoffman-Longtin nih tennis cabuai pahnih le tennis tuknak le pumpululh te hna a cawk. Cabuai pahnih lakah pakhat lawng hman khawh ding caah a tha. An phu nih tangka kawlnak ding caah inn um bantuk tawhrolh

hruknak ni an tuah. Ma tangka an hlut khawh mi nih khan Hoffman-Longtin cu a phen asinain amah nih cun cabuai hna cu amah ta si loin a phu ta tiin a au.

Tangkua Noah Hall cu tennis cabuai lentecelhnak nunter than ding asi tiah a timi siangngakchia a si. Hall le a hawi tangkua a si ve mi Colston Strait cu tennis cabuai sianginn ah si loin, leng leiah a celhmi an si. Hall nih cun an phu nih an i timhmi cu minung tam deuh ra dingin le cabuai tam deuh in an sak khawh ding khi a si. Atu ahhin minung pahnih lawng an phu ah a um mi an si. Hall nih a zumh mi cu phu ah lut dingin thiam a hau lo a ti, hawi hein i nuamnak caah zong a tha a ti.

“Na thiam tuk a hau lo ma phu ah lut dingin,” tiah Hall nih a chim. “Mahi cu nuam tein um ding le hawi le hein tennis cabuai lentecelh ding a si. A zuam tuk mi zong an um asinain annih na celh hna a hau lo,”