Sianginn khar chungah, a dang sianginn hngakchia cu an duh thawk in an it i an duhnak poah ah an kal i nuamnak thil an tuah. Asinain, cheukhat SHS sianginn hngakchia cu meeting ah an kal, saya biachimmi an ngai i tuah herh mi poah an tuah. Burmese American Community Institute (BACI) timi program ah an i peh. Aruang cu ca cawnnak caah a tha, hmailei college kainak ca zongah a tha i scholarship bawmnak ca zongah a tha tiah tanghleikhat a kai liomi Sara Laithang nih a ti. Zei tiang ka phak khawh lai ti zuamnak thinlung ngeiin mah program ah hin a lut.

BACI cu SHS le PMHS a kai lio mi sianginn hngakchia fonh tonhnak caah asi. An summer program ah an kal i, an zapi tein research an tuah. Mah an tuah mi thil hi an mah pumhpak ca zong a tha mi a si ve. Hmaileiah hruaitu si khawhnak caah. An organization bia fang cu, “advocating, connecting, educating, and serving.” Mah program hi high school a kaimi paoh caah asi nain a program chungah i tel cu a fawi lo. Biahalnak an ngeih hna i an caan tampi an pek a hau.

Laithang bantuk si loin, junior Mang Lian cu a nu le pa lungthawhternak in a tuah mi asi. Computer hman in online ah form a pih, adang minung 70 zong an tuah ve i mi tlawm te lawng interview tiang an phan. Amah zong cu aa tel kho ve. Mah organization ah um a fawi ko nain, caan tampi pek a herh.

“Ka nu le ka pa cungah ka lawm. Aruang cu kan Chin community kong hi a tam deuh in ka theih khawh cang hawikom tha tampi zong ka hmuh hna,” tiah Lian nih a chim.

Sianginn khar chungah cun, group 6 in an i tthial i caan pekmi chungah research an tuah. Paruk cungah pahni cu college integration le college persistence timi an si. Mah rianttuan tu pawl cu mirang asi lo le laimi umnak ah an kal i zei tluk in dah laimi innpa chakthlang ah an khuasaknak asi tiin interview pawl an tuah hna. Mi an theih lomi an si zongah bia an rua hna i an chawnh hna.

A nai bik an presentation cu BACI office, 4925 Shelby St, August 2 ah an ngei. Thil a tha mi an i hruk, cheukhat cu an laithil an i hruk. Suimilam 5 ah rawl an ei ti i, 6 ah an thawk. Mi 80 hmaiah an dir i zapi hmai ah bia an chim, tiah Laithang le Lian nih an ti. An research kong an chim than hna. Mah minung chungah cun special khualtlung zong an i tel kho ve. Hlasak thiam David Lai zong aa tel kho ve.

“David Lai ka hmuh i ka lau tuk ziah tiah cun a ra lai tiin ka ruat lo,” tiah Lian nih a chim.

Cheukhat cu BACI caah rian tuan awk a tam tuk i a har tuk an ti. Asinain, an thazang chuahnak caah lawksawng an hmuh. Mah an hmumi cu 250 scholarship asi.

“A har ko, asi nain ka tuah mi hih ka ngaichih lo,” tiah Laithang nih a chim.