Pumpuluh (soccer) cu Laimi tampi nih an duhmi a si. Asinain, tu kum cu SHS a kaimi Laimi pali nih mirang pumpuluh (football) ah an i tel i an i celh.
Maxpreps.com ah hmu mi cu, SHS sianginn pumpuluh (soccer) chuih mi lakah a tam deuh cu Laimi an si, an za tein 85 percent (85%) an si. Tu kum cu a cheu nih cun a dang le a thar lentecelhnak ah an i tel. Ti ning kel tawn (stereotype) a simi an khuai.
An pali chungah pahnih cu tangkua chuih bu ah an um i a dang pahnih cu JV bu ah an um. JV ah aa tel ve mi hna cu tanghra kai liomi Tluang Thang le tanghleikhat a kai liomi Bawi Lian an si. JV cu upat deuh mi hna caah a si.
Scott Evans, mirang pumpuhluh ah hruaitu pakhat a si ve mi nih mah bantuk thil hi a tam deuh in hmuh a duh. Laimi siangngakchia pawl hna hi sianginn lei i bawilung chuih lawng si loin lentecelhnak paoh paoh ah hin i tel hna seh ti a duh. An tuah ballo mi hi tuah hna he seh tiah a duh piak hna.
“Zeitik poah ah a dang thil tuah ding caan a um ah cun, tthathnemnak in tuah awk a si,” tiah Evans nih a chim.
Lian cu a hlan deuh sianginn kainak ah mirang pumpuhluh (football) zohkhentu a rak simi a upat tak mi saya nih ruahnak a pek. Sianginn caah i celh law duh le duh lo hmuh khawh a si tiah a ti i sianginn aa rak i tthial tikah a saya chimmi cu a ngai.
“Keimah cu tuah tawn mi thil tuah duhmi ka si lo,” tiah Lian nih a chim. “Chan khat hnu chan khat i tuah lengmang mi thil tuah ka duh lo.”

Lian nih cun mirang pumpuhluh he aa pehtlai mi a duh dih i huat ding zeihmanh a um lo tiah a ti. Mirang holh cawn lio mi (ELL) a si ti lo ruangah biakchawnhnak dawntu a um lo celh lio ah asinain Thang caah cun a har deuh ko. Amah cu level pakhat nakah um lio mi a si caah asi. A dang siangngakchia bantukin a hramthawk ah cun a kal ngam lo. Lian kha mirang holh thiam deuh mi si caah mirang pumpuhluh kong a hal i Lian nih cun a bawmh.

“Kan i theih ballo asinain aa khatmi lentecelhnak kan duh caah hawikom kan rak si,” tiah Thang nih a chim.
Thang caah cun mirang pumpuhluh hi a ruahnak leng in aa dang deuh ngai. TV a zoh lio ah cun a fawimi a lo asinain a celh tak tikah cun a har tuk. Tu kum hi a tha tein thir luchin kha a hruk i a rit tuk tiah a chim. Luchin i tuah buin i celh cu a har ko tiah a ti. A hramthawk ah cun aa ziak lo. A tu hi cu aa ziak cang ko.
A hmasa ah cun cawnnak ah an kal lio ah an i nuam tuk lo. A dang lentecelh thiammi nih hi lentecelh cu Laimi nih an i celh mi an hmuh ballo i an khuruahar tuk. Asinain an kal thluahmah lungthin tha tein.
Thang cu a taktak ah a celh ballo asinain Lian cu a celh bal ko. An saya le nih a thiam mi hi an hmuh rih lo tiah an ruah. An pahnih in thiam kho chin chin hna seh ti an duh i an saya le nih an thiam nak hmuh hna seh tiah an duh.