Mah ni ah hin a dangdang holh cawn khawh a si i a phunphun ei ding zong a um i ram dang thil hna zong i hruk khawh a si.
Cultures of Southport, tuaktantu, Amy Peddie, nih mah program nih mibu i fonh chinak le miphun pakhatkhat kong i hrawm khawhnak caan a si ruangah a thawk mi a si.
Program tuaktantu cu siangngakchia nih an ruahnak cheuhnak in an khan mi a si. Tuah ding vialte le thil ken ding pawl hna cu an mah ni an chim mi le an put mi a si.
Peddie nih downtown ah International Festival timi a kal lioah hi program he a khat ngai mi a hmuh i cu nih cun ruahnak a pek i hi program hi a thawk a si. Sianginn ah a dang ram in a ra mi an tam tuk ruangah tuah ve hna se law zeitluk in a nuam lai i a thahnem lai tiin a ruah caah a tuah mi a si. Khuaram hmanthlak hman ve duh i a man a fak tuk, a si nain, saya ngan bik Brian Knight nih a bawm i a cawk khawh.
Khuaram hmanthlak nih cun IMC, cauk relnak, a khuh dih i siangngakchia cio an ratnak ram a langhter. Peddie nih siangngakchia an tuanbia chimnak caah le an khualtlawnnak caah fawi deuh seh tiin a duh piak hna caah a hman.
Mah program cu a duh ning tein a kal ko i a nuam bikmi cu midang he a lam lio ah a si. A ra mi zong an tlawm tuk lo i a tam zong an tam tuk lo caah a tha a ti. An hmannak hmun a hme deuh ruang caah.
Peddie nih sianginn ah miphunkip ram dang dang in an ngei mi hi a taktak vawlei pumpi a si tiin a ruah i miphun hi an ma an ram te lawngah ah i thleng lo tiin a chim. A dang miphun kong cawn hi a biapi tuk zei ruang ah cun kan i theih thiamnak a si tiin a chim.
“Kan sianginn ah a dang ram lei in an ra mi an tam tuk i kei nih cun a tha tiah ka ruah i sianginn dang ah ka kal huam lo,” tiah Peddie nih a chim. “Mah ni hin ka rian a nuamter i rian tuan ding zong a ka pek.”
Tangkua kai liomi Van Lian le a hawi le pahni nih thanaka i thunak ah an bawm hna. Laimi nih cun hi thanakha hi an hmai le an pumah an i thu. Arsik tlauternak caah le ni phenhnak caah an hman tiah a fianter.
A hrawmthawk ah cun Lian nih mi tampi an ra lai lo tiin a ruah i mi dang an ram kong theih an huam lai lo tiin a ruah a si nain a chimchungnak bantukin a si lo. A ruahnak hlei in mi tam deuh an ra i a lunglawmh tuk i hmai kum zong ma caan hi um ve se tiah a duh. A dangh hmuh rih lo mi hna caah a um ve a hau lai tiah a chim.
Mah tuah mi ni hin mi dang an nun ning theihternak le i upatnak caah a si tiin a ruah.
“Suimilam panga chungin ka hngalh mi a tam tuk i ka caa cawnnak caah a thahnemtuk,” tiah Lian nih a chim.
Sara Berghoff zong a fa le he a kal ve. Berghoff cu hi sianginn ah hin kum hra chung a tuan cang i a thlen mi a hmuh mi a tam tuk. Kum dang poah ah siangngakchia ram dang lei in a ra mi an tam chinchin tiah a hmuh i sianginn ah holh dang a theih mi aa nuam tuk.
Berghoff nih cun ma program an ser mi hi tadin ah ngaihchia mi thawngpang he aa thleidan tuk tiin a chim. A rian tuan hawi le, siangngakchia, le mi dang pawl zungkhar ni ah an rat kho mi a lungsiter tuk. Ma caan an ngei mi ni hin miphun kong thei khawhnak caan a si i kal ding a si ziahtiahcun Southport hi miphunphun an um tiah a ruah.
“A dang ram kong thei hi a biapi tuk,” tiah Berghoff nih a chim. “Vawlei dihlak hi a naih lai tiin ruah ding a si lo ma caah cun ma caan ttha kan ngei mi hi a lianngan tuk.”