Tanghleihnih kai lio mi Tha Chin Sung cu a u, Elizabeth Sung, aa thleichan tuk. Zingka i thawh ah siseh a herhmi a kal duhnak paoh ah a u nih a zulh peng. An sianginn kainak a donghnak a phan dengmang cang caah, amah tein zeizong vialte a tuah a hau cang lai caah aa ziak a hau lai.
Mah u le nau hi sianginn kumli chung an kai ti i zei poah an tuah ti. An cawnnak zong ah an mi phun caah lunglawmhnak an chuah pi tiah an chim. Asinain college kai a phanh tikah an kalnak lam a khat ti lai lo.
“Ka hawi tha bik a si,” tiah Tha Chin nih a chim. “Kan chuahnak ni in kan i then ballo, mah caah cun ka ngai tuk lai.”
An pahnih an cawn khun (major) aa dang caah college an kai ti lai lo. Tha Chin cu IUPUI ah a cawnnak a peh lai i Elizabeth cu kum hnih chung kainak, International Business College, ah a kai lai. Tha Sung nih a u kalnak poah ah zulh a duh ko nain a u nu a ruahnak aa dang. Elizabeth nih cun amah nak in hmailei ah hlawhtlin deuh seh tiin a duh piak. Ma tinhmi tlinter khawhnak caah cun Tha Sung cu kumli chung sianginn kainak ah a kai a hau.
“Kai ti uh si ti cu ka duh ve ko,” tiah Elizabeth nih a chim. “Asinain hmailei caan ruah a hau cang.”
Tha Chin le Elizabeth cu US ah 2013 ah an phak i sianginn thla hnih chung lawng an kai hmanh. Mah ruangah hin Elizabeth cu tangkua a nolh than. Asinain an ca tang aa lo tein sianginn an kai ti mi hi Elizabeth caah cun a rem tuk ziah ti cun a nau he an tang i khat se tiin a duhnak a sau tuk cang.
An pahnih caah cun an ca tang a khat mi hi a tha tuk tiin an ruah i an huatnak a um lo. Caa an zoh ti khawh i a bawm zong an i bawmh khawh. Pakhat nih a thiam mi le a hngalhthiam mi an i hrawm khawh.
Tu kum cu an u nau in top 20 ah an i tel ve. Sianginn an kai thawk ah cun zeidah a si ti mi hmanh an hngal ballo i i zuam ding zong an rua ballo. Elizabeth cu tanghra a kai lio ah a hawi pa nih a chimh i ma ni in cun zuamnak a ngei i a saya le hna zeitin in dah um khawh a si lai tiah a hal hna.
Top 20 ah an i tel mi cu Skyward nih a langhter ko nain saya le nih an chim tik hna ah a si taktak cang ko tiah an ruah. Mah hlan in cun nuam tein an um khawh rih lo. Thawngpang an thanh mi nih an umnak a fekter chin. An caah cun thluachuahnak a si i an zum kho lo a hramthawk ah cun.
“Keimah caah cun ka tinhmi a si bak lo,” tiah Tha Chin nih a chim. “Hmak tha hmuh le camipuai awng lawng ka timh mi a si, asinain Bawipa nih ka halnak hlei in a ka pek chih i ka lawm tuk.”
Elizabeth nih an pahnin in an i tel khawh mi hi a nuam deuh. An buu le an khua caah a hmuh mi pakahtnak an si i aiawhtu an si khawh caah a lung a lawm.
“Top 20 kan u nau pahni in kan i tel khawh mi ka lung a nuamter chin,” tiah Elizabeth nih a chim. “Amah aa tel ve lo ahcun, mah tluk in hin ka nuam lai lo.”
Mah tiang an phak mi hi an mah ruang ah si lo tiin an ruah. An inn chungkhar le hawi le saya le sayama nih zuamnak si seh fim chimnak an pek hna ruang ah a si.
Tha Chin nih siangngakchia mah le mah zumhnak ngei a biapi tuk tiin a ruah. Zeitluk an hmak a chia zong ah i zuam chin hna seh tiah a ti. Caa zoh tik zongah mitku ahcun i hngilh ta zong a ngah ko zei caah cun mi cu seh an si lo tiin a ti. A sang deuh mi khaan pawl lak ding thazang a pek i caa zoh lawng te ah caan pek ding a hau lo tiah a rua.
“Na herh mi tuah ta mah khawh khan na duh mi tuah,” tiah Tha Chin nih a chim.