Phunhra kai Van Dawt Lian le phunkhua kai Nicole Malsawmsangi in phunruk an kai lai ah an leh duhmi an hmuhsuak. Kum rei hnuah, Lian cu SHS JV basketball a lek ih cule Malsawmsangi cu phunkhua cheer team ah a um. Tufangah cun an pahnih hi Laimi tlawngta pawl ih an leh tam lomi an lek.

An lehnak an bang aw lo nan, an pahni ih an bang awmi zawnte cu an lehmi pawl hi Laimi tlawngta pawl in an lehtam mi asilo.

A nauhak lai ihsin a leh zo ruangah Lian hrangah cun high school ih basketball lek ding hi a rak tumtah ciahmi asi.

“Phunruk ka si ah ka lek thok ziangahtile khami kum hrawngah nauhak dang hnakin ka sang deuh ti ka hmuh,” Lian in a ti. “Cutin bawhlung ihsin basketball ah ka thleng. Basketball leh hi ka hrangah awl zet in a ra.”

Malsawmsangi tla phunruk asi ihsin cheer ah a pum a pe aw. Phunruk ah a rualpi pawl in cheer tryouts ah an sawm ih cutin cheer a lek thok. A nauhak lai ih a zohmi zatka pawl in tla a sungah tuah duhnak thinlung in a khatter.

“Nauhak te ka si lai ih sin cheer zatka ka zoh ringring ih cumi ruangah USA ka rawnah cheer tuah duhnak thinlung ka nei,” Malsawmsangi in a ti.

Lian cu a upa hnen ihsin tha tampi a ngah; a upa tla basketball a lek dah. Laimi sungkhua ihsin a rawn ruangah basketball thuhla tampi a thei lo ih a upa thawn lawng an lek thei.

“Ka u in ka theihmi tampi in zirh,” Lian in a ti.

Tlawng ih leknak ih pumpe tlawngta pawl vekin, an ni pahnih tla tumtahnak an nei ve. An mah lehnak cio ah thiam deuh duhnak thinlung keng in zuam duhnak an nei.

“Ka tuah theilo mi midang in an tuah thei ti ka hmuh tikah zuam deuhdeuh duhnak ka nei,” Malsawmsangi in a ti.

Lian hrangah cun tu ih a tumtah mi cu phun hleihnih a thlen ah varsity basketball ah lek a duh. Cumi tumtah nak nei in basketball hrangah tampi a zuam duh.

Amah lawng ah team ah Laimi asinain Malsawmsangi cu harnak tampi a tawng lo cule team member tthazet a si loli.

“A thil zir hi a awlh tak ih cumi thu hla lam ah cun zianghman har nak a nei lo,” Nicky Givens, a zirhtu, in a ti.

Malsawmsangi in tla Givens ih a simmi a lungkimpi. Cheer a thawh hmanah harnak tampi a tong lo.

“A thok in kan coach in in zirh thluh ih cule midang pawl tla cheer an tuah a veikhatnak a si ruangah harsatnak tampi a um lo,” Malsawmsangi in a ti.

Khatlamah, Lian hrangah cun harsatnak malte a tong phahphah. A hlan ah cun rualpi pawl thawn nuamnak men in a lek, asinain tu cu a lehdaan a thupi deuh.

“A thok ah cun harsatnak kan tawng phahphah,” Coach Cousins, Lian ih zirhtu in a ti. “Harsatnak kan ton mi pakhat tumpi cu referee le midang pawl thawn apoimawh zet in a lek dahlo. Cumi ruangah basketball ih hman mi ttong tete pawl a theih lomi um.”

Asinain, Cousins in Lian ih zir duhnak, a hnattuan daan, le a zuamdaan in tampi a bawm ati. A zuam ringring asile varsity ah a lut le ngah ding tin tla a ti.

Lai nunphung ah basketball le cheer hi mi tampi in an lek lo ih ruangah an nu le pa in an lehdaan thuhla tampi in an thei lo nan, thazaang tampi an peh thotho.

“Ka nu le ka pa in tha in pe tambik,” Lian in a ti. “Ka lehnak pawl ah an rawng thei ringring lo nan an rawng tum ringring.”

Malsawmsangi in tla a nu le pa in tha an pe tak, a nu in practice an neih asile a thla ringring.

Laimi dang pawl tla lehnak dangdang mi ih an tuah dah lo lek hai seh la ah duhsak.

“Mi in Laimi pawl lehnak dangdang ah an lek theilo ti zumnak an nei ih cule cheer ah mi in in hmu asile an mang a bang tak,” Malsawmsangi in a ti. “Curuangah Laimi dang pawl an leh asile himi zumnak le mangbang nak a hlo ding ka zum.”

Lian in tla amah ih a leh ruangah mi dang tlawngta pawl ih thinlung sungah leh duhnak an neih a duh.
“Thil thar tuah hi ttih ding asilo ziangahtile ziang hmuahhmuah na tuah mi ah mi an an lo suaisel ringring thotho ding, curuangah, na duhmi le na tuah paih mi asi ah cun tuah men aw,” Lian in a ti.

Lian in tla amah ih a leh ruangah mi dang tlawngta pawl ih thinlung sungah leh duhnak an neih a duh.
“Thil thar tuah hi ttih ding asilo ziangahtile ziang hmuahhmuah na tuah mi ah mi an an lo suaisel ringring thotho ding, curuangah, na duhmi le na tuah paih mi asi ah cun tuah men aw,” Lian in a ti.