Phunhra kai Julia Tha in kum 91 mi Carl Chan mi ih an velh a hmuh a mang lai. Feb. 31 ah California ih a cahng mi asi. Chan a velh tthe hnu ah a veltu pa in Asian dang minung pahnih a vel. Himi ruangah an zaten in sizung ah kan feh thluh. 

Himi thu social media ah an than lai pawl le news stations pawl ih an rel lai pawl tla Tha in a mang. 

“Khami ka hmuh ah ka thin a na ih ka riah a siah,” Tha in a ti. “Mi ih pi le pu le nu le pa an si, cule ziang hmuahmuah cang thei ram ah an ra. An nun nak thei ding ah ttha ten an um men ih cu lai lak ah hivek thil an ton ttul.”

Tulai Asians pawl par ah hivek huatnak lam ih pehparawknak ruangih velh tong an tam deuhdeuh. Kan dungkum 2020 ih Coronavirus ihsin a tam deuhdeuh.

Indiana University Bloomington ih kaimi psychology major Jenni Than ih ruahnak ah cun U.S. ram ih uktu pawl ih ttongkam hman daan ruangah tla himi a karhzai a zum. President hlun Donald Trump ih ttongkam hrimhrim tla a puhmawh. 

“Pulhnat thawn, a ttongkam hman daan in a sim duh mi cu, ‘Hey, hitawk ihsin COVID a rat ruangah Asian pawl parah thil ttha lo tuah a theih,’ tivek a bang,” Thang in a ti.

Tha ih ruahdaan ahcun Asians pawl huatnak long ruang ah hivek thil a cang a zum lo, cu ai in mi in simfiannak an duh ruangah a si. COVID-19 ruangih harsatnak tong pawl in Asians pawl par ih an thinheng nak an ret ruangah hivek an parah an tuah tiah Thang in a zum.

Mi ih fimthiamnak le ttong in hmualneihnak a caan ter tthey ti a theinan,  mi tthenkhat cu zianghman ttul lo in mi dang par ah an huatnak an thlen ti khal Thang in a thei ve. 

“Mi tthenkhat cu ziangvek tlawng le ttong tla hmang sehla, mi huatnak an nei thotho,” Thang in a ti. “A cang ding mi hrimhrim tiah ka ruat men. Midang an huat ruang ah thil ttha lo an tuah.”

Asians pawl par ih hivek thil a can ruangah mi tthenkhat ttihphannak an nei. An inn tla an suak ngam tuk lo ih cule a dang harsatnak an ton pha. An safety hrangah tla thinphannak nei an um.  

“Kei mah le kai mah ka humhim aw thei nan ka nu le pa le ka sunkhat dang pawl hrang ah ka ttih ziangahtile mirang ttong an thei lo ih an mah le an mah an humhim aw thei lo,” Thang in a ti.

SHS palik Lucas Quinlan in huvek thil tlawng ah a cang dah lo ruang ah a hna a ngam. Ram pumpi in hivek cang hmansehla tlawng ah cun a cang dah lo.

“Kan tlawng ahcun hivek a cang dah lo,” Quinlan in a ti. “Miphun dang dang kan tam tuk ih ruang khal ah a si thei.”

Himi hrang bawmnak tuah theimi cu hivek a tong hmuh asile bawm ding ih cule himi Asian pawl huatnak thu ah thutheih a ttha.

“A hmaisahbik ah media pawl ih thil ngan tak lawng ring lo in mah ten research tuah a ttha,” Tha in a ti, “Cule, social media a tla hivek thil a can asile theihternak lam post ding a ttha.”