Sianginn hngakchia dang he telh in , senior Sui Par le junior Elly Hnem nih myanmar bawmhnak dingah Youth Movement Association an ser.

 “YMA kan serchan aruang cu Burma ah democracy, freedom le an mah minung Human Rights hmuhkhawhnak dingah nunnak pek in aido mi hna hrang bawmhnak ah asi. Mah an i-do lio ah,kannih nih santlailo ah kan i ruah tikah thil tuah kan duh ve.” Par nih a chim.

“Kha ruangah zeiti paoh in kan si khawh tawk bawmhkhawh ding in hihi kan ser.”

Par nih cun a chim i , organizations le associations ser hi afoi loh ziah ti cun thil tha tuahkhawh nak ding cun raithawi(sacrifice) a hau ve.

A voikhat nak events an tuah mi cu “Spicy Mangoes” asi, hai an toh i an zuar Myanmar bawmhnak dingah tangka an khong.

“A voikhat event kan tuah mi Spicy Mangoes ah hin, bawmhnak kan hmuh loh, kha caah kan hawidang tete tangka $10 cio kan thawh i kha tang khan hai le a dangdang a herhmi cawk nak ah kan hman.” a chim Par nih.

Hnem nih a chim ve i an voihnih nak event Yard Sale zong a tlamtling tthiam, $700 chung an hmuh khawh.

“Thil a kal dan cu; khua dangdang in mi nih an thil kan sinah an donate” Hnem nih a chim. “Thil cu kan post hna i , micheu nih pre-order an tuah , micheu cu kan sinah an ra i an duh mi paoh an cawk,” a chim Hnem nih.

Hi an events hrangah hin khoika hmanh in bawmhnak an hmu lo nain, an chanbaunak vialte an tei tthiam. Hnem nih  azumhning cun hitihin an fak piin an ttuan i an i zuam ah cun hmailei an tthangcho chinlengmang lai.

Mah events an tuah i , mak an duh rih loh, hmailei caah a sang deuh mi timhmi an neih rih. Par nih a chim i organizations awt hi a har nain zeitluk in a har zongah , timh mi ther cun an nei peng tthiamtthiam lai.

“A tu tthaal a dongh hlan ah hin timh mi tuah kho uh sih timi kan nei hrimhrim,” Par nih a chim. “ A tu lawlaw ahhin cun ruahnak sawhsawh lawng asi rih……cun mi nih tickets game celh nak ah cawk hna seh ti le a dangdang kan mah tein in nuamhnak , titolh nak le thil dang tuah kho uh sih ti hi kan duh ngai.”

Myanmar bawmnh nak lei in Hnem le Par nih  thil dangdang an tuah mi le an i telnak chungin a chim mi cu mi nih an thinlung an zulh ding asih cun mi bawmh ding asi cun tthu lo in pumpak tein cawl i bawmh ding cun hmun ttha deuh ah hruai hna ding asih.

“Hi ka comments hi mivialte hrangah asi,” Par nih a chim.” Na kum zei avasi ah, khua zei in narat avasi ah, atu ah a ho navasi ah , zeibantuk paoh ah na thinlung in fak piin na zumhnak a feh ahcun thil tuah i timh.”

Hnem nih a zumh ning cun mitang toidor, zia-tthat, mi caah ruahnak neih nihhin apawngkam mihi a bawmh hna la, cun Myanmar  bawmhnak ding zongah mipi a bawmh deuh hnala ti zumhnak a nei. Cun a chim rih mi cu nikhat cu hi kan ram kan ttan pi mi hi justice a hmu te la ti ruahchannak anei.

“Thilhme te kan tuah mi te nih hin…..hmailei ah kan hmuh ding mi humans rights le freedom cu a si te la,” a chim Hnem nih.