July thla a lai fang thawk in Myanmar ah ruah din loin tamtuk a sur ruangah vawlei a cim i kokek harnak tampi a tlun ter hlei ah miung 4,000 nih Hakha an inn an paam tak. A tlawmbik minung 1,000,000 leng nih har nak an tong i 103 minung an thi cang. News service Reuters nih 2008 lio i thlichia nih minung 140,000 a thah mi hnu in, Myanmar ah tilian a cang mi hi a ngan bik le a fak bikmi si.

Hi thil tampi a rawk mi ruangah Myanmar cozah nih ram dang bawmhnak a hal hna.

Tang hleikhat a kai liomi Van Hnem nih Myanmar ah ti nih a phum mi hna ruangah zeihmanh angei lo mi a hmuh hna bawmh a duh hna. Van Hnem nih a English sayamah Ms. Sara Kohne cu bawmh halnak ding ruahnak cu a chimh i, fund tuah nak cu an ser. Kohne nih Hnem hi sianginn ah fund a tuah ding a si ko a ti i, midang zong ma kong hi an chimh hna i hi thil hi a cang tak mi a si.

“Thil pa khatkhat tuah in Burma ah  tilian a tlungmi hi kan bawmh khawh hna lai tiah ka ruah,” tiin Van Hnem nih a chimh. “Ma ruang ahcun siangngakchia le cawnpiaktu saya hna nih hmun khat te ah kan tuah tti kho lai tiah ka ruah.”

Hnem le Kohne nih ngakchia le cawnpiaktu hna nih iPass chungah tangka an pek khawhnak caah fund kha an tuah mi asi; tangka vialte kha Myanmar ah a ummi tilian nih aden mi hna caah bawmhnak asi lai. Hnem nih aa timhmi cu ngakchia paohpaoh nih atlawm bik fangkhat tal cu pek in $2,000 hrawng cu ngah khawh kha asi.

Hnem cu a chungkhar tilian nih aden mi hna cu an um lo nain Myanmar ah a chungkhar ahim deuh nak hmun ah thial aherh mi an um. Amah nih a chim mi cu Myanmar ah va um taktak in zeidah acang timi cu ka thei lo nain SHS siangngakchia le riantuantu pawl bawmh nak in thil a cang mi hi i thleng deuh seh tihi ka ruahchanh mi a si ati.

“Southport le Perry Township communities ah minung tampi cu Burma i acang mi thil nih a thlen hna.” English sayamah Ms. Kohne nih “Van hnem cu ka porhlawt pi tuk, tangka khonnak bu ser a duh ruangah.”

SHS siangngakchia tanghleikhat Joseph Ram Bik Ceu cu Myanmar i a um mi a chungkhat pawl he zeithawngpang hmanh an i thanh khawh ti lo. Ceu cu zeihmanh chawnh biak khawh nak zong a chungkhat he a ngei lo.

Burmese American Community Institute, BACI, nih Burmese refugees pawl hna upadi hein a petlai mi bawmhnak a herh mi an bawmh hna. BACI nih tilian a ingmi hna caah bawmhnak an an kawl.

BACI chimh ning ah cun, Indiana i a ummi nih an bawmh khawh chung in zeithil poah tuah in bawmh an timh hna, biakinn ah siseh, chungkhar ah siseh, communities zongah bawmhnak an kholh. An hawi te hna pawl zong bawmhnak an hal hna, tiah BACI nih an chimh.