CND thlengnak nih caan tha a pek

%28kehlei+in+orhlei%29+Perry+Meridian+tanghleikhat+Mary+Sung%2C+SHS+sianginn+a+dih+cia+Bawi+Tial%2C+tangkua+Esther+Par%2C+Perry+Meridian+tanghra+Bethlehem+Par+le+tang+kua+Biak+Rem+cu+Lai+thuam+hmuhnak+ah+an+i+tel%2C+Feb.+20+ah.+%28L+to+R%29+Perry+Meridian+senior+Mary+Sung%2C+SHS+graduate+Bawi+Tial%2C+freshman+Esther+Par%2C+Perry+Meridian+sophomore+Bethlehem+Par+and+freshman+Biak+Rem+involved+in+Chin+culture+costume+show+on+Feb.20.

Nicholas Meacham

(kehlei in orhlei) Perry Meridian tanghleikhat Mary Sung, SHS sianginn a dih cia Bawi Tial, tangkua Esther Par, Perry Meridian tanghra Bethlehem Par le tang kua Biak Rem cu Lai thuam hmuhnak ah an i tel, Feb. 20 ah. (L to R) Perry Meridian senior Mary Sung, SHS graduate Bawi Tial, freshman Esther Par, Perry Meridian sophomore Bethlehem Par and freshman Biak Rem involved in Chin culture costume show on Feb.20.

Grace Iang, Reporter

Lai Phunpi Ni ah Lai phung lam, rawl, hla le thuam  an um. A tam deuh thil tuahnak ahcun siangngakchia deuh nih an tuah. A liam ciami Lai Phunpi Ni ahcun Lai thuam hmuhnak ah nu le pa an i tawi an thiami thuam he. Asinain tukum cu nu lawng tein tuah a si. Ma ruahnak a chuahpi tu cu rian pektu le Lai thuam hmuhnak tuahtu Justin Thang a si.

Kum sarih chung Lai Phunpi Ni ah aa telmi ah a hngalh mi cu thil pakhat thlenh a hau a ti. A ruang cu thla khat, thla thum chung an cawn. A tukum in scholarship program cu thawk a si le Chin Town Auto Sales nih an bawmh hna. Thang nih ma bawmhnak aa telmi hna kha zawnruahnak le lunglawmhnak an sinah an ngei timi hngalh ter a duh hna.

“Siangngakchia pawl hna kha an sianginn kong ah an zawn kan ruat ko hna ti kha theiter duh hna,” tiah Thang nih a chim. “Le, Laimi kanmah le kanmah kan i bawmh khawh timi theiter ka duh hna.”

Lai thuam hmuhnak cu zuamnak ah minung pali nih scholarship hmuh khawhmi ah canter a si. Pakhatnak nih $500 a hmuh lai. Pahnihnak nih $300 a hmuh lai. Pathumnak nih $200 a hmuh lai. Palinak nih $100 a hmuh lai. Ma zuamnak ah lut dingah a herhmi cu man pek loin thil a tuah khawmi tangsarih in tanghleihni tiang le khawleih a kai liomi si an hau. A zapi tein minung 18 si. A teitu hna cu an cawnnak ah an kaimi, an ziaza, an i telnak le an tuahnak ah thim an si lai. Bawmnak (scholarship)  a hmuh dingmi hna cu March ah thanh a si te lai.

Zuamnak ah aa telmi, tanghleihni Htayni Sui cu a miphun thil thuam a ai awhnak ah aa nuam.  Zuamnak ah aa telnak cu mi vialte sinah a Laimi sinak a ai awh khawhnak le scholarship hmuh khawhnak ruangah a si. Sui nih Pathian, a innchungkhar, Thang le tanghleihni a kaimi Chhan Mawi, Thang a bawmtu, sinah lawmhnak a ngei. Sui cu a teitu a si hnga maw a thei lo, a si nain, stage cungah a kai tiangin a tum than tiang ralthatnak in a kal, Sui nih a chim.

English sayamah Sara Kohne, Lai Phunpi Ni ah voihnihnak in tam deuh a kalmi, nih tukum an thlenmi a tha tuk a ti ve. A ruang cu pa pawl hna cu a dang zuamnak a um le caan tam deuh an ngei. Kohne cu a siangngakchia hna, Sui le tanghleihni Biak Sung, pawl a hmuh mi a nuam.

Sui, Kohne le Thang nih hmai kum zong ma bantukin tuah than ding a si tiah an ti cio. Bawmnak (scholarship) a um mi cu mi tam deuh zong nih an i zuam le an i biatak deuh, tiah Thang nih a ti.

“Bawipa nih a rem a ti ahcun, hmailei ah tuah kan i zuam ko,” Thang nih a chim. “Ka ruahchannak cu hmailei ah siangngakchia hna caah bawmhnak tam deuh kan hmuh ding a si.”