SHS ah scholarships, siangngakchia bawmhnak, tampi an pek mi chung in, Alumni Scholarships hi siangngakchia an pek bik hna. Tu kum ah 66 scholarships an pek hna. A tangka, a dihlak fonh in cun $64,000 asi. Alumni Scholarships pawl hi a phunphun in an um. A cheu cu sianginn a dih cang mi sin in an si. A dang cu a thi cang mi philh lonak caah scholarships pek mi an si.

Julie Fierce, sianginn ah guidance director asi mi nih, mah Alumni Scholarships hi sianginn alumni association nih an tuah mi asi tiah ati. SHS in sianginn a dih mi siangngakchia vialte hi mah alumni association ah hin an in tel dih.

Mah alumni association nih tangka an khon i, sianginn kai a dongh hlanah, mah tangka an khon mi kha scholarships in SHS siangngakchia an pek hna. Fierce nih hi scholarships hna hi scholarship a nganpi minung pakhat thengte pekmi asi lo tiah ati.

“Alumni association chungah hin scholarships a phunphun in an tuah,” tiah Fierce nih ati. “Scholarships hi mi tampi sinin an ra. 1944 i sianginn a dih cang mi nih mah association hi tangka an pek hna. Kum khat ah a tlawm bik ah $500 an pek hna. Thong khat an pek caan zong um, $1,500 an pek caan zong um. A tlawm bik ah $500 cu pek an i zuam peng.”

Kum khat ah scholarships hi zei zat an pek ti cu hngalh khawh asi lo. A ruang cu a tu kum ah scholarships tampi an pek hna i hmai kum ah cun mah nak tlawm deuh zong in an pek khawh ko hna nain an pek mi zat hi tampi in cun aa thleng lo tiah Fierce nih a chim. A caan ah cun minung tam pi nih an pek nain zeimaw caan ah cun a peh lomi zong an um.

Minung 66 Alumni Scholarship a hmu tu chungah, tanghleihnih a kai liomi Seng Zangkung nih Class of 1944 scholarship a hmuh. Mah scholarships a hmutu ah hin Zanhkung le a dang laimi panga an i tel ve. An min cu Lian Sang, Tial Par, Nu Hing, Peter Lian, Bawi Sang le Lal Awm an si. Zanhkung nih mah bantuk scholarships a hmuh mi hi a lung aa lawm tuk.

“A pakatnak ah mah scholarship ka hmuh mi hi thluachuah asi,” tiah Zanhkung nih a chim. “A pahninhnak ah mah scholarship ka hmuh mi nih hin kaa zuamnak a langhter. Mah tangka hi cheuhra ah cheukhat kha kan biakinn ka pek hna lai cun lap-top computer kaa cawk lai.”

Hi scholarships hmuh nak ding ah hin zeidah a herh ti cu theih khawh si lo tiah Fierce nih ati. A ruang cu scholarships an dihlakin an i dang dih. A dang nih cun sianginn ngakchia an hmak le GPA an zoh piak hna. A dang pakhat nih cun sianginn ngakchia an hmak le an GPA zoh loin, a ho paoh nih hmuh khawh mi scholarships zong a um.

Hi scholarships hmuh a duh mi paoh nih cun apply lawng a hau. Mah an tuah mi hi January thla ah a si tawn. Fierce nih a tu kum hi apply ah sianginn ngakchia an fel deuh kum dang nak in. A tu kum cu 90 sianginn ngakchia nih an apply.

“Mi tampi nih scholarships hi an apply duh lo. A ruang cu sianginn kai dih in zei kan tuah lai an thei lo,” tiah Fierce nih a chim. “Nain zei nan tuah duh mi ruahnak nan ngeih ah cun, tial uh. A ruang cu tangka cu kumli chung college a kai duhmi ca lawng ah si loin kumhnih cah he, vocational he, training he a um. Mah vialte ca zongah mi nih tangka an pek ko hna.”