An i thialnak a ruang cu a tha deuh sianginn kainak caah a si.
Africa chung i a ummi ram phunkip in a ra mi pariat cu SHS ah an min an khumh cang. Khua dang ah a ra mi zokhentu Marsha Manning nih a tam deuh cu mirang holh thiam lo, thei lo le holh khawh lo in an ra, tiah ati. Ma pawl hi a khan ah an chiah mi hna an si i Manning nih ca chimh ding hna ah zuamnak thinlung a ngei.
“An nunnak a thlentertu ka si tiin ka hmuh ziah ti cun an hmuh hmasa mi ka si,” tiah Manning nih a chim. “Keimah caah ruahnak le fimnak zong an ka pek ve.”
Hi siangngakchia hna nih lung fek tein sianginn ah i zuam an duh mirang holh an thiam tuk lo zongah. An i tthialnak a ruang cu sianginn tha deuh ah kai khawh an duh. Mah ram ah hin a zungzal in um an duh lo. An cawn khawhnak tiangin cawn an duh i an cawn thar mi vialte cu an khua ah i kalpi an duh.
Pakhat cu tangkua a kai lio mi Kalenga Juma, Tanzania khua in a ra mi a si. A ratnak khua ahcun mirang holh hmang loin French holh an hman caah a caah a herh ko tiin a chim.
Mah ram le a chuahnak ram cu aa dang tuk tiah Juma nih ati. Tanzania ahcun sianginn cu zinglei sumilam 8 ah an thawk i zanlei 12:45 ah an dih. Tthutdan patkhat ah minung pathum an tthu i thaithawh le chuncaw zong pek an si lo.
Sianginn ah ei ding pawl hi a duhning in a si ko nain pizza cu a duh lo. A thauter lai tiah a ruah i pizza ei cu hrial a duh.
“Indiana ah hin huat awk a um rih lo,” tiah Juma nih a chim. “Ka duh mi le ka duh lo mi pawl cu kum hni a lonh tikah ka fiang te lai.”
Unau a si mi tangkua kai lio mi Samuel le tanghleikhat kai lio mi Jonathan Kile cu Juma nakin mirang holh an thiam deuh. An ratnak khua Uganda ah an mirang hawi le he bia an i chawnh lengmang i cu nih cun mirang holh cu a thiamter hna.
Kile inn chungkhar le Juma inn chungkhar cu an inn a nai i hawikom tha an si. Africa ah an um lio ahcun an ram lawnglawng a nai i America ah phak i an umnak a nai chinchin.
A hngakchia deuh mi Samuel cu an i tthial mi a nuam tuk a si nain upa deuh Jonathan cu a ngaihchiat. An chungkhar le hawikom tha an kaltak hna caah.
Tu sianginn kainak kum cu ngaichannak a um tuk lo tiin an chim. Thil thiamnak (technology) lawng an i ngai.
“Mi nih America an uar nak a ruang cu as dawh ruangah si loin an tuahkhawnak (technology) a si,” tiah Jonathan nih a chim.
An chungkhar pahnih in an khualtlawnnak a rau. Indiana an phak hlan ah a dang ram an tlawng hmasa. Kile nih Indiana an thimh ziah ti cun mirang an hawi le hna kha mah hmun ah hin an ra ve.
An kaltaknak ram le a tu an umnak ram cu aa dang nak a tam pi a um tiin an ti. Sianginn le inn pawl hna hi an i dang tuk tiah an ti. Uganda ah saya le hna khankhat in khan dang ah an i thial. America ahcun siangngakchia hna an i thial. Indiana inn hna cu an ngan deuh i a cheu cu thing in an sak. An nih a hmasa in an umnak ahcun an hme deuh i an inn pawl cu tlakrawh in sak an si. Nikhua thlen mi zong hi an i ziak rih lo.
“Hawhra cu TV lawng ah kan hmuh,” tiah Samuel nih a chim. “Kan tongh ballo cu ruang ahcun kaa ngai tuk.”
Zeitluk a har zongah hi siangngakchia pawl nih hin ca thiam khawh chungin cawn an duh. Hi ram ah an rat mi hi an nu le pa biakhiahnak nih a chiahmi lei in ruah loin, hmailei an caah thatnak lam leiah innka hung