Hlawtlinnak ding ah

Himi lai lak ah EL zirhtu le tlawngta pawl in hlawtlin ding in an zuam

Peddie+in+a+khan+ah+a+tlawngta+ca+tuah+a+bawm.+Peddie+in+a+tlawngta+pawl+hi+a+bawm+thei+tawk+in+a+bawm+rero.+

Emma Main

Peddie in a khan ah a tlawngta ca tuah a bawm. Peddie in a tlawngta pawl hi a bawm thei tawk in a bawm rero.

Mirang ttong an thiam lo ruangah an tlawngta pawl harsatnak an tong ti thei in, EL sayama pawl in an hlawtlin theinak ding ah an zuam pi rero. An tlawngta pawl hrang ruat in kum dang in an tuah dah lomi pawl an tuah.

“Ka tlawngta pawl Canvas ah thil tuah daan an thiam hri lo ruangah khami kha ka zirh dingmi ah ka telh ve,” EL department chair le sayama Amy Peddie in a ti.

Peddie in EL kaitu pawl ih harsatnak an tonmi dang pakhat cu Canvas ih thil tuah daan hi asi tiah a ti. Canvas website ih ttongkam an hman mi cu a danglam zet mi asi ih Mirang ttong thiam lo hrangah cun theihthiam a har deuh ding. A tlawngta pawl an theihthiamnak dingah Peddie in Google slides a tuah sak.

“Ka khan ih ka tuah mi hmaisabik cu Canvas ih ttongkam an hman mi kha ka simfiang,” Peddie in a ti. “An fiang lomi kha ka sut ih cule Canvas ih ni-thla siarnak hman daan ka sim.”

A tlawngta a bom vekin, zirhti dang pawl Peddie in a bom ve. Tlawngta pawl ih an harnak pawl a theih hnu ah zirhtu dang pawl hnenah an harsatnak a sim. A sim a sile, an tlawngta pawl bom daan ding kha an thei ve ding.

Peddie lawng si lo in, himi tlawngkai daan thar lakah EL sayama Hiba Al-Awadh in a tlawngta pawl hrangah caa awl deuh dingin a zirh daan a thleng. A zirhmi pawl in an tuah ttul dingmi an theihfiang theinak dingah a zuambik.

“Caa ka zirh hlan ah, caan malte sung modules Canvas ih ka ret mi pawl ka zoh ter. Thusuh duh an neih pang le himi caan ah in sut thei,” Al-Awadh in a ti.

A tlawngta pawl thuhla ah cun, Al-Awadh in an buaibik mi cu tlawng ngai an kai maltuk kha an duh lo tiah a ti. A tlawngta tampi pawl cun a hlan ih an kai daan vek in an kai duhsal. Nihnih lawng tlawng ah rawng lo in, ni nga sung kai an beisei. Himi an beisei nak cu an saya le sayama pawl hnen ihsin bawmnak an ngah thei zat ngah an duh.

Phunhleihnih kaimi Aung Piew Peddie ih khan ah a to. A hrekkhat tlawngta pawl cu online ihsin tlawng an kai ruangah khan ah tlawngta malte lawng an um. (Emma Main)

Cule Al-Awadh in zarhkhat ah veikhat hrawng a tlawngta pawl pakhat tete in a biak tum. Himi caan ah an harsatnak le an harsat lonak pawl a sut. Ziangvek asi khalle a bawm theih ahcun a bawm ruangah a si.
Zirhtu pawl in an zuam pi rero lai ah, tlawngta pawl tla an mah le tawk in an rak zuam rero. Phunkua kai Cung Rem in a zuam thei tawk in a zuam a ti ih a saya le sayama pawl ih a hleice bawmnak a ttul lo.

“Tu fang ah cun harsatnak tampi ka nei lo,” Rem in a ti. “Caa cu keimah ten ka zuam rero ih ka hmat pawl tla an ttha ko.”

Rem vek tlawngta pawl cu harsatnak tampi an nei lo ih buaipi an ttul tuk lo. Asinain, tlawngta harsatnak tong tampi tla an um thotho. Caa lam ih harnak tong tu pawl hrangah Peddie in ruahnak a pe.

“Ruahnak ttha bik ka pek theimi cu tampi thusuh hi a si,” Peddie in a ti. “Zirthtu pawl in thu tampi nan suh ruang ah an thin a heng lo ding. An zir mi thil an theih lo asile an mah le an mah hrang ttan an lak a ttul.”